Merc'hed gwisket e du

Istor fromus div blac'h a Enez Eusa da vare fin an naontekvet kantved, derou an ugentvet.
Kaset e oa bet soudarded ar c'holoniale gant gouarnamant bro Frañs war an enez da zifenn anezhi diouzh ar Saozon (Mare Fachoda eo hag an darempredoù etre Frañs ha Bro-Saoz n'int ket mat). War an enezenn e oa ur bern maouezed ha plac'h, rak an darn vrasañ eus paotred Eusa a yae war vor evel soudarded pe besketaerien, ha ne chome war an enez nemet ar re gozh a rae war-dro an tour tan.
Soudarded ar c'holoniale a oa war an enez evel ma vije bet un douar estren, oc'h ober ar pezh a felle dezho : spontañ an den, lazhañ al loened, ha lakaat un aergelc'h a spont.
Mari-Anna ha Félicienne a zo div geniterv. Aet int da welet ur soudard, ha marteze a-walc'h int bet gwallaozet gantañ.
Kouezhañ a ra Félicienne klañv ha kaset eo d'an ospital a re sot e Brest e-pad un nebeut bloavezhioù Mari-Anna ha mamm Félicienne a ya d'he gwelet amañ. Pa teu en-dro Félicienne war an enez e vez tamallet gant an arme he doa drouklazhet ur soudard.
Dizoloet eo bet e fin al levr he doa sikouret Mari-Anna he c'heniterv evit kuzhat korf an den.

Ur yezh pinvidik a zo gant Riwall Huon. Leun a c'herioù n'anavezent ket.
Kavet em eus fromus taolennad buhez kriz ha kalet enezourien hag enezourezed Eusa.
Souezhet on bet gant fin al levr en ur dizoloiñ ar pezh oa bet graet gant Felicienne ha Mari-Anna, ne oan ket e-sell a se.