- Compaignons qui viens de Saint Glaude,
Par ta foy, dy moy du pays.
- Qu'en diroie en response chaude ?
Onques ne fus si esbahiz.
- Les montaignes que tu y viz,
Que t'en semble ? Esse pas merveille ?
- Je ne vy onques la pareille.
Voiage de Saint Glaude (début)
O folz des folz, et les folz mortelz hommes,
Qui vous fiez tant es biens de fortune
En celle terre et pays ou nous sommes,
Y avez vous de chose propre aucune ?
Vous n’y avez chose vostre nesune
Fors les beaulx dons de grace et de nature.
Se fortune donc, par cas d’aventure,
Vous toult les biens que vostres vous tenez,
Tort ne vous fait, ainçois vous fait droicture,
Car vous n’aviez riens quant vous fustes nez.
(Extrait du "Régime de Fortune" : O folz des folz)
Or vous a compté s'aventure
Michault et son peril mortel,
Et comment celle nuit obscure
Il fist le guet a son cretel
Et puis perdit tout son chatel.
Priez a l'umble Vierge franche
Et a son filz espirituel
Qu'il lui doint bonne recouvranche.
La Destrousse (fin)