Douin de Lavesne

En fabliaus doit fables avoir ,
Si a il, ce sachiez de voir ,
Por ce est fabliaus apelez,
Que de faubles est aünez.
Douins qui ce fabliau rima,
Tesmoigne que il avint jà
En la forest de Pont-Alie
Ot une fame hebergie : .
Vueve fame fu sanz seigneur ;
Moult feisoit petit de labor.
Une fille et un fil avoit,
En ce lieu norri les avoit ;
S'estoient non-sachant et nice.
Norri orent une genice ,
Si l'avoient moult bien péue
De foin , de blé , d'erbe menue :
Tant la norrirent que fu granz.